Куакбаш авылыннан Әсхәт Сәхапов - кыр батыры

Татарстан Авыл хуҗалыгы һәм азык-төлек министрлыгының Мактау грамотасын алды. Сәхаповларны комбайнчылар династиясе дисән дә була.

Әтисе – Әхәт Сәхапов озак еллар “Маркс” хуҗалыгында “кыр корабы” белән икмәк урдыруда эшләде. Әсхәт исә 6 яшьтән үк кул арасына кереп, 7нче классны тәмамлагач, комбайн ярдәмчесе булып эшли башлый һәм шуннан әлеге һөнәр буенча эшен дәвам итә. Әсхәт Сәхаповның уллары һәм кызлары да уңганнар, уллары әтиләре хезмәтен дәвам итеп, җәй көне комбайнда эшлиләр, көрәшчеләр дә үсеп килә бу гаиләдә.

“Маркс” хуҗалыгында күптән эшлим. Яз һәм көз тракторда, җәй көне комбайнга утырам. Быелгы чәчүдә бик күп яңгырлар явып, бераз тоткарлап торды, шулай да без тиз срокта башкарып чыктык. Игеннәр гөрләп үссеннәр дә, күп итеп уңышын җыярга булсын”, -  ди Әсхәт Сәхапов.

Розалия Мостафина фотолары