Райондашыбыз Альмир Вәлирахманов - «Һөнәре буенча иң яхшы» республика конкурсы җиңүчесе
Татарстан Республикасы Авыл хуҗалыгы һәм азык-төлек министрлыгында җиңүчеләрне бүләкләделәр.
"Һөнәре буенча иң яхшы" республика һөнәри конкурсы агропромышленность комплексының яшь хезмәткәрләре арасында узды. Бәйге, гадәттәгечә, Татарстан Авыл хуҗалыгы һәм азык-төлек министрлыгы һәм республика Яшьләр эшләре министрлыгы ярдәме белән Татарстан Республикасы Аграр яшьләр берләшмәсе тарафыннан үткәрелде.
Конкурста катнашучылар биремнәрне Казан дәүләт аграр университеты һәм Казан дәүләт ветеринария медицинасы академиясе базаларында үтәделәр. Катнашучылар беренче этапта тиешле юнәлешләр буенча тест билетларына җавап бирделәр. Икенче өлештә яшь хезмәткәрләр һәм студентлар практикада һөнәри осталык күрсәттеләр.
Безнең районнан "Иң яхшы механизатор" номинациясендә "Маркс" хуҗалыгында механизатор булып эшләүче Альмир Вәлирахманов җиңү яулады.
фото: https://agro.tatarstan.ru/tat/index.htm/news/2264326.htm
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Комментарии
0
0
молодец булдырасын иркэм без колектиф исеменнэн. котлыйбыз, бэхетле бул иркэм
0
0