«Ике кешедән кала беркемнән дә көнләшмәгез»

Пәйгамбәребез (с.г.с.) әйткән: "Ике кешедән кала беркемнән дә көнләшмәгез: беренчесе - Аллаһы Тәгалә бер кешегә мал, байлык бирер, ул кеше шул малны изгелеккә тотар, икенчесе - Аллаһы Тәгалә бер кешегә гыйлем, хикмәт бирер һәм ул кеше шуның белән Аллаһы кушканча яшәр һәм башкаларга да өйрәтер".

Һәр изге эшнең башында "бисмилләһ" булырга тиеш. "Бисмилләһ" сүзе - динебезнең баскычы. Бу сүз "шәфкатьле, рәхимле Аллаһ исеме белән" дигәнне аңлата. Бисмилләһне берәр эш алдыннан әйтү - ул гамәлне Аллаһка гыйбадәт кылуга әверелдерә. Сөекле пәйгамбәребез: "Һәрбер мөһим эш "Бисмилләһ"сез башланса, ул эш өзелер", - ди.

Ир-атның байлыгы түгел, зирәклеге мөһим. Хатын-кызның матурлыгы түгел, тугрылыгы мөһим. Дусның буш сүзләре түгел, яхшылыгы мөһим. Сөйгәнеңнең таләпләре түгел, түземлеге мөһим. Тәннең зифалыгы түгел, сәламәтлеге мөһим.

 https://shahrikazan.ru

фото: https://ru.freepik.com/