Күчтәнәчкә бирелгән шәрабны нишләтергә? Имам нинди киңәш бирә
Бик күп фаҗигаләр аракы аркасында гына килеп чыга.
Сорауларыбызга “Мәрҗәни” мәчете имамы Ансар хәзрәт Мифтяхов җавап бирде. («Шәһри Казан»)
– Күчтәнәчкә бирелгән шәрабны нишләтергә?
– Бердән, күчтәнәч яки бүләк биреп саваплы да буласыбыз килә икән, хәләл булган, рөхсәт ителгән әйберләрне генә алырга тиешбез. Үзегезгә күчтәнәч итеп биргәннәр икән, ачып түгәргә кирәк. Болай гына ыргытсагыз, аны кемдер алып эчәргә дә мөмкин.
– Өстәлгә исерткеч куелган табынга чакырсалар нишләргә?
– Пәйгамбәребез салләллаһу галәйһи вә сәлләм үзенең бер хәдисендә: “Аллаһы Тәгаләгә һәм кыямәт көненә ышанган кеше спиртлы эчемлекләр булган җирдә утырмас, аннан ерак булыр”, – ди. Алдан ук хәләл ризыклар буламы дип кызыксынырга мөмкин. Юк икән, килә алмыйм дип сәбәбен әйтергә кирәк.
– Спиртны дәвалану максатыннан кулланырга ярыймы? Эчеп түгел, әйтик, нигезендә спирт булган төнәтмәне буыннарга сылап.
– Яраларны эшкәртергә кирәк булганда, сызлаган буыннарга сылаганда зыяны юк, файдаланырга мөмкин. Ә инде даруга килгәндә, шундый ук составлысын, әмма спирт кушылмаганын алырга кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев