Мөселманга киңәш-нәсихәт

1. Син ата-анаңа мәрхәмәтле булырга тиеш, аларга начарлык кылу зур гөнаһ.

2. Туганлык мөнәсәбәтләрен хөрмәт ит, аларны бозма.

3. Ятимнәргә шәфкатьле бул, аларга юмарт бул.

4. Күршеләрең белән яхшы мөгамәләдә бул, аларга күңелсезлек китермә.

5. Дин буенча туганнарыңның һәм дусларыңның хәлен белешеп тор.

6. Аллаһы өчен ярат, Аллаһы өчен өнәмә - болар иманны ныгыта.

7. Диннән көлә һәм аңа ышанмый торганнар белән янәшә утырма һәм аларны тыңлама.

8. Үзеңә һәм башкаларга файда булсын өчен җимеш бирә торган агачлар утырт.

9. Әгәр син берәр әйбер бүләк итсәң, аның турында гел кабатлап торма.

10. Мохтаҗ мөселманнарга ярдәм итәргә ашык, аларга бәхет китер.

 https://muslumirc.ru