Черкиләрдән арыныр өчен нинди хуш исле майлар кулланып була?

Цитронелла һәм канәфер хуш исле майларын черкиләргә каршы кулланырга була. Бу хакта Мәгариф дәүләт университетының табигый фәннәр факультеты деканы вазифаларын башкаручы, биолог Ирина Лялинга сылтама белән РИА Новости яза.

«Халык медицинасыннан цитронелла һәм канәфер хуш исле майлары кулланырга була», – дип сөйләгән ул.

Биолог сүзләренчә, бөҗәкләр белән көрәштә иң яхшысы комплекслы ысуллар – ультрашәмәхә UV-ловушкалар, эфир майлары белән фумигаторлар.

Биолог иң имин ысул буларак механик барьерларны һәм электр чебен үтергечләрен атады. Аэрозольләрнең иссезләрен һәм пиретроидлар нигезендә ясалганын сайларга киңәш итә.

Биолог сүзләренчә, аэрозольне сиптергәннән соң 15-20 минутка бүлмәдән чыгып торырга, ә кире керер алдыннан җилләтергә кирәк. Моннан тыш, ул сиптерер алдыннан ризыкларны һәм савыт-сабаларын капларга, шулай ук эшкәртү зонасыннан балаларны һәм хайваннарны алырга киңәш итә.

Интертат