Тавыкка сода кирәк
Бройлерлар һәм йомырка салучы тавыклар азыгына бераз гына чәй содасы өстәү бик әйбәт: ашкайнату эшчәнлеген яхшырта, тизрәк үсү һәм йомырканы күбрәк салуга ярдәм итә ул.
Соданы суга гына өстәүдән файда юк: кош-корт мондый эчемлекне яратмый. Болай эшләргә: 5 кило катнаш азыкка киптереп төелгән бер уч йомырка кабыгы, 20 грамм чәй содасы (җылы суда эретеп) салырга. Тозсыз пешкән бәрәңге (дөге яки макарон) суы өстәргә. Мондый азык тавык күңеленә бик хуш киләчәк.
Содалы азыкны кош-кортка атнасына бер тапкыр бирү дә җитә. Тавыклар йомырканы аз салган очракта исә, бер-ике ай дәвамында, чиратлаштырып, бер атнада – содалы, икенче атнада содасыз азык ашатырга кирәк.
https://photo.tatar-inform.ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев