2026 елда Татарстан хастаханәләрен цифрлаштыру өчен 165 млн сум бүлеп биреләчәк
Татарстан быел федераль бюджеттан төбәкара трансфертлар рәвешендә 164,9 млн сум акча алачак.
Акчалар төбәкнең сәламәтлек саклау системасын мәгълүматлаштыру чараларын гамәлгә ашыруга юнәлтеләчәк.
ТР Финанс министрлыгында хәбәр итүләренчә, финанслау дәүләт һәм муниципаль медицина учреждениеләре медицина мәгълүмат системаларының төп федераль цифрлы платформалар белән өзлексез үзара бәйләнешен тәэмин итүгә юнәлтеләчәк. Алар арасында, мәсәлән, Мәҗбүри медицина иминияте дәүләт мәгълүмат системасы һәм Сәламәтлек саклау өлкәсендә бердәм дәүләт мәгълүмат системасы бар.
Яңа трансфертлар хастаханәләр, иминият компанияләре һәм федераль сервис үзәкләре арасында мәгълүмат алмашуны тизләтергә мөмкинлек бирәчәк. Бу исә республика халкы өчен медицина ярдәменең сыйфатын арттырачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев