94 яшьлек ир-атның акчасын урлаган курьерны тотканнар
Казанда 94 яшьлек ир-атның акчасын урлаган курьерны тотканнар.
Татарстан Республикасы буенча Эчке эшләр министрлыгында хәбәр итүләренчә, җинаятьчеләр пенсионерга шалтыраткан һәм үзләрен дәүләт ведомстволары хезмәткәрләре дип атаган, ә аннары акчаларын саклап калу өчен аларны декларацияләргә һәм курьерга тапшырырга кирәклегенә ышандырган. Каракларның күрсәтмәләре буенча, өлкән яшьтәге ир-ат аларга 190 мең сум акча биргән.
Полиция тиз арада курьерны ачыклый һәм тоткарлый, ул 18 яшьлек егет булып чыга. Үз гаебен ул тулысынча таный. Калган мошенникларны эзлиләр.
Полициядә чит кешеләргә акча күчерергә кирәкми, дип кисәттеләр. Ә акчаны «куркынычсыз хисап»ка күчерүне сорап шалтыратканда әңгәмәне тәмамларга һәм полициягә хәбәр итәргә кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев