Аяк киеме таймасын өчен «лайфхак»
Кирәкле киңәш
Аяк киеменең табанын шетка белән яхшы итеп юып, тулысынча киптергәч, наждак кәгазе белән табанны яхшы итеп тазартырга. Аннары эшкәртелгән урынга спирт сөртергә. Һәм дә табан астына 8-15 урынга силикон герметик тамызырга яисә буй сызыклар ясарга кирәк. Хәзер аяк киеменең кибүен (24 сәгать) көтәсе генә калды.
Силикон йомшак һәм эләктерүчән материал. Бозда һәм карлы урында ул мини-присоска кебек эшли. Шулай иткәндә, егылудан куркып, аякларны арытып, киеренкелектә йөрергә туры килмәячәк.
Әлеге «протектор» 2-дән алып 4 атнага кадәр чыдый. Әгәр бу ысул ошамаса, силиконны аяк киеме табаныннан җиңел генә итеп (уайт-спирт ярдәмендә) куптарып алырга мөмкин.
фото: Шедеврум
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев