Әлмәттә йорт подъездында юрганга төрелгән сабый табылган
Коточкыч хәл.
Әлмәттә Ленин урамындагы күп фатирлы йорт подъездында юрганга төрелгән сабый табылган. Йортта яшәүчеләр полициягә мөрәҗәгать иткән.
«Татар-информ»га Татарстан Эчке эшләр министрлыгы матбугат хезмәтеннән хәбәр итүләренчә, урынга тикшерү-оператив төркем килгән. Хәзер полиция хезмәткәрләре сабыйның ата-анасын эзли.
Татарстан прокуратурасы мәгълүматларына караганда, баланың гомеренә һәм сәламәтлегенә куркыныч янамый, ул шәһәр балалар хастаханәсендә. Процессуаль тикшерү оештырылган, аның барышы ведомство контролендә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев