Татарстанда ОРВИ һәм грипп белән авыручылар саны арта.
Шуңа бәйле рәвештә Татарстанның барлык медицина учреждениеләрендә чикләүләр кертелде. Бу хакта «Татар-информ»да узган матбугат конференциясендә ТР Сәламәтлек саклау министрлыгының штаттан тыш баш эпидемиологы Дмитрий Лопушов хәбәр итте.
«Медицина хезмәткәрләре һәм пациентлар өчен битлек режимы кертелгән. Авыруларга йөрү тыелмаган, ә чикләнгән. Без реанимациягә авыруларның туганнары килүне тулысынча тыя алмыйбыз – бу законнарга каршы килә», - диде спикер.
Әйтик, реанимациягә бер генә туганны кертергә мөмкиннәр. ОРВИ симптомнары булганнар авырулар янына кертелми.
Нет комментариев