Дәүләт Думасы хайваннарны зоокибетләрдә сатуны тыярга мөмкин
Дәүләт Думасы быелның азагына кадәр хайваннарны зоокибетләрдә һәм кош базарларында сатуны тыя торган закон кабул итәргә мөмкин. Бу хакта «Российская газета» хәбәр итте.
«Кош базарлары һәм зоокибетләр аша хайваннар белән сәүдә итүне тыю - бик җитди норма. Аны көзге сессиядә караячакбыз», - диде Дәүләт Думасы депутаты Владимир Бурматов («Бердәм Россия»).
Депутатлар аны ел ахырына кадәр кабул итәргә тырышачаклар, диде ул «Россия сегодня» матбугат конференциясендә.
Дәүләт Думасы 2021 елның декабрендә беренче укылышта закон проектын кабул итте, аның нигезендә хайваннар сатыла торган урыннарга таләпләр билгеләнәчәк, шул исәптән зоокибетләргә һәм кош базарларына.
Бурматов проектны карау барышында аңлатканча, зоокибетләрдә еш кына хайваннар өчен шартлар булдырылмый: кечкенә кысан аквариумнар, җилләтелми һәм кояш нурлары керми торган бүлмә, инсоляция юк, урамда йөртү мөмкинлеге, ветеринария ярдәме күрсәтү, социаль аралашу, туклану рационы һәм көн режимы каралмаган.
«Мондый шартларда хайваннар атналар буе гына түгел, айлар буе да яши», - диде сәясәтче. Мондый кибеттә кешеләр, үзләре дә белмичә, авыру яки инвалид хайван сатып ала, диде ул.
https://photo.tatar-inform.ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев