Яңа елны бәйрәм итәргәме-юкмы икәнлеген һәркем үзе хәл итәргә тиеш

– Быел Яңа ел чараларын уздыру-уздырмау уңаеннан бәхәс купты. Халыкның бер ише аларны кирәк дип саный, икенче берләре: «Уйнап-көлеп йөрер чак түгел», – ди. Бу уңайдан сезнең фикерне дә ишетәсе килә.

– Бездә төрле заманнар булды бит инде. Бөек Ватан сугышы, әфган сугышы вакытында да артистлар, егетләр янына барып, концертлар куеп, солдатларның күңелләрен күргәннәр. Шуңа күрә Яңа ел чаралары да халыкның күңелен күтәрү, бераз гына күтәренке рух бирү нияте белән үткәрелә, кирәктер. Әгәр халыкның күпчелеге: «Безнең хәзер уебыз бәйрәмдә түгел», – дип саный икән, аларга да каршы килеп булмый. Һәр кешенең – үз нияте. Яңа елны ничек каршы аласын да, аны гомумән бәйрәм итәргәме-юкмы икәнлеген дә һәркем үзе хәл итәргә тиеш.

Динә Гыйлаҗиева, Ватаным Татарстан

https://yashel-uzan.ru

фото: Татар-информ