Илкүләм проект ярдәмендә Татарстанда Мәләкәс һәм Нокса елгалары чистартылачак
Татарстанда Мәләкәс һәм Нокса елгаларының экологик системасын торгызу эшләрен яңа «Экологик иминлек» илкүләм проекты кысаларында башкарырга планлаштырыла.
Россия Президенты Владимир Путин карары белән «Экологик иминлек» илкүләм проекты 2025-2030 елларда гамәлдә ашырылыр дип көтелә. Ул алты федераль проектны колачлый, шул исәптән «Россия сулары» проектын, ә ул моңа кадәр булган «Иделне сәламәтләндерү» һәм «Уникаль су объектларын саклау» федераль проектларындагы юнәлешләрне берләштерәчәк.
«Россия сулары» проекты кысаларында Татарстанда түбәндәге елгаларны чистарту эшләре башкарылачак: Чаллы шәһәрендә Мәләкәс елгасы (2025-2026 елларда 320,7 миллион сум юнәлтеләчәк: 2025 елда – 168,9 миллион сум, 2026 елда – 151,7 миллион сум); Казан шәһәрендәге кушылдыклары белән Нокса елгасы (2028-2030 елларда 718,9 миллион сум юнәлтеләчәк: 2028 елда – 210 миллион сум, 2029 елда – 250 миллион сум, 2030 елда – 258,9 миллион сум).
Болардан тыш, Татарстан яңа проектка кертергә тәкъдим итеп, тагын берничә чарадан торучы исемлек әзерләп җибәргән.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев