Илсур Һадиуллин: Хәзерге заман татар теле укытучысы телебезнең төзеклеген сакларга тиеш
Татарстанның мәгариф һәм фән министры Илсур Һадиуллин Бөтенроссия «Туган тел» форумының пленар утырышында хәзерге заман татар теле укытучысына зур миссия йөкләнүен билгеләп узды.
Илсур Һадиуллин татар теле укытучысының өстәл китабының әһәмиятен әйтте. «Әлеге китапта мөгаллимнәр өчен укыту һәм тәрбия эшендә һәрвакыт кирәк булган мәгълүматлар тупланды: норматив-хокукый документлар исемлеге, федераль дәүләт белем бирү стандартларының төп төшенчәләре, актуаль булган федераль дәреслекләр, тел һәм мәдәният өлкәсенә караган грантлар һәм башкалар. Рәхим итеп файдаланыгыз», - диде.
«Ата-аналар үз балалары өчен сыйфатлы белем һәм тәрбия тели, мәктәпнең җиһазланганын, ә мөгаллимнәрнең тәҗрибәлесен сайлый. Шушы нисбәттән мин, хөрмәтле мәктәп җитәкчеләре һәм укытучылар, сезгә мөрәҗәгать итәм. Ата-аналар игътибарын сез үз авторитетыгыз белән яулап аласыз һәм алар сезнең җитди дәлилләрегезгә колак сала. Бар көчегезне шушы агарту һәм хезмәттәшлек эшенә юллавыгызны сорыйм», - диде Илсур Һадиуллин.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев