Бу хакта Социаль фондның Лениногорск Клиентлар хезмәте җитәкчесе Айгөл Исламова аңлата.
Социаль фонд инвалид гражданнарны реабилитацияләүнең техник чаралары белән тәэмин итә.
- Айгөл Әхмәтисламовна, инвалидлар өчен нинди техник чаралар бар?
- Инвалидлыгы булганнар, шул исәптән инвалид балалар да дәүләттән комплекслы ярдәмгә исәп тота ала, болар: дарулар белән тәэмин ителеш, санатор-курорт дәвалануы, реабилитациянең техник чаралары.
- Аларны алу өчен шартлар бармы?
- Тәкъдим ителгән техник чаралар алу өчен төп шарт – аның реабилитацияләү һәм абилитацияләү индивидуаль программасында (ИПРА) төгәл күрсәтүе.
Техник чараларны алу формасын сайларга мөмкин: натураль рәвештә (эшләнмә үзе бушлай бирелә); һәм электрон сертификат ярдәмендә мөстәкыйль сатып алу.
- Электрон сертификат нәрсә ул?
- Электрон сертификат – ул "МИР" картасына бәйләнгән реестрдагы язу.
2021 елда Социаль фонд реабилитацияләүнең техник чараларын алу процессын тизләтү һәм җиңеләйтү өчен электрон сертификатлар программасын эшләтеп җибәрде. Кеше эшләнмәне онлайн-кибеттә үзе сайлый һәм аңа сертификат белән түли.
- Техник чараларны алу яки сертификат рәсмиләштерү өчен кая мөрәҗәгать итәргә?
- Техник чараларны алу яки сертификат рәсмиләштерү өчен Социаль фондка гариза белән мөрәҗәгать итәргә кирәк.
"Сәламәтлекне саклауның яңа технологияләре" илкүләм проекты буенча әлеге гамәлләр башкарыла.
Нет комментариев