Изге Болгар җыенында 200 лениногорскилы катнашты

Гомумән, Идел болгарларының ислам динен кабул итүгә багышланган тантаналы чарага 20 меңнән артык кеше килгән.

Лениногорскилылар музей-тыюлыкның көньяк капкасы янындагы ярминкәдә катнашты.  Ярминкәдә хәләл продукция һәм дини товарлар белән сәүдә итү дә оештырылды.

Истәлек билгесе янындагы сәхнәдә концертны карадылар.  Артистлар тамашачыларга җыр-биюләр, мөнәҗәтләр тәкъдим иттеләр.

11. 00 сәгатьтә Истәлек билгесе янында Татарстан Республикасы җитәкчелеге һәм мөхтәррәм кунаклар катнашында «Изге Болгар җыены» рәсми ачылу тантанасы булды.

12:00 сәгатьтә Җәмигъ мәйданында көндезге намаз укылды.

• "Изге Болгар жыены " Болгарда 1989 елдан бирле 922 елда Идел буе болгарларының дәүләт дине буларак Исламны кабул итү көне һәм Болгар ханы Алмушның галим ибн-Фадлан җитәкчелегендәге Багдад хәлифе делегациясе белән очрашуы истәлегенә уза.

фото: https://spas-rt.ru/