Каз мамыгыннан мендәр ясыйбыз
Каз мендәре әзерләүчеләргә менә тагын бер ысул.
Татарстанның Мамадыш районыннан Зөлфия Дәүләтшина аны безгә түбәндәгечә эшләвен язып җибәргән.
"Каз мамыкларын вакытында юып, мендәр өчен әзерләп кую турында да онытмаска кирәк, чөнки озак торган пычрак мамык исләнә.
Өмә тәмамланып, берничә көн узуга берничә көнемне мендәр өчен мамык әзерләүгә багышлыйм. Мамыкларны җылы суда шампунь белән юам, яхшылап җылымса суда чайкыйм һәм җылы мунча ләүкәсенә җәеп киптерәм. Яхшылап кипкәннән соң иске мендәр тышларына тутырып куям. Мамык «суларга» тиеш, шунлыктан тыгыз итеп тутырмыйм. Аны бер ел ял иттергәннән соң гына мендәр итеп ясыйм.
Каз мамыгын кер юу машинасында да юарга була. Мин бу ысулны, гадәттә, иске мендәрләрне чистартканда кулланам. Юганда кер порошогы түгел, шулай ук шампунь куллансагыз яхшы", - дип язган ул.
Саклап куегыз, кирәге чыгар.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев