Киләсе елда кемнәр пенсиягә чыга алачак ?
2025 елда татарстанлылар, гомуми кагыйдәләр буенча, пенсия реформасы белән бәйле күчеш чоры дәвам иткәнгә күрә, яшь буенча пенсия рәсмиләштерә алмаячак.
2018 елның 3 октябрендәге 350-ФЗ номерлы Федераль закон нигезендә, Россиядә пенсиягә чыгу яше акрынлап арта. Бу процесс 10 елга исәпләнгән – 2019 елдан 2028 елга кадәр.
Нәтиҗәдә пенсия яше биш елга артачак: хатын-кызлар пенсиягә 60 яшьтә чыга алачак, ә ирләр – 65 яшьтә.
2026 елда кем пенсиягә чыга алачак? Киләсе елда гомуми кагыйдәләр буенча пенсиягә 1962 елда туган ир-атлар (аларга 64 яшь тула), һәм 1967 елда туган хатын-кызлар (аларга 59 яшь була) чыга алачак.
Моннан тыш, 2026 елда вакытыннан алда пенсиягә чыгу хокукына ия татарстанлылар лаеклы ялга чыга алачак.
фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев