Лениногорск гаиләләре февральдән арттырылган ана капиталына ия
Балалы гаиләләргә дәүләт ярдәме чараларының берсе – ана (гаилә) капиталы.
2026 елның 1 февраленнән беренче бала туган очракта гаиләләр 737,2 мең сум ана капиталы ала. Әгәр гаилә беренче бала өчен әлеге түләүне алмаган булса, икенче балага ана капиталының күләме 974,1 мең сум тәшкил итә. Ә инде беренче бала өчен пособие түләнгән булса, икенче балага өстәмә түләү 236,9 мең сум була.
Ана капиталы программасы ким дигәндә 2030 елга кадәр гамәлдә булачак. Хәзерге вакытта түләү беренче, икенче, шулай ук өченче бала туу очрагында да каралган (әгәр гаилә беренче ике бала өчен ана капиталы алмаган булса).
Ана капиталының төп максаты – балалы гаиләләргә ярдәм итү, бу исә «Гаилә» илкүләм проекты максатларына туры килә.
Социаль фондның Лениногорск Клиентлар хезмәте җитәкчесе Айгөл Исламова әйтүенчә, программаны гамәлгә ашыра башлаганнан бирле Лениногорск районында ана капиталы акчалары белән 5 меңнән артык гаилә кулланган.
“Ана капиталы 2020 елдан башлап тулысынча гаризасыз рәвештә күрсәтелә башлаган беренче социаль хезмәт. Программа тагын да уңайланды: акчаларны эскроу-счетлар белән подряд килешүе буенча индивидуаль йорт төзүгә тотарга мөмкин. Әгәр капиталның калган өлеше 10 мең сумнан артмаса, аны социаль фонд аша акчалата алырга мөмкин”, - ди ул.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев