Лениногорск янгын күзәтчелегенең профилактика бүлеге яңа уку елы башланыр алдыннан балаларга янгын куркынычсызлыгы кагыйдәләрен искә төшерә

Янгын чыгу – еш кына ут белән саксыз эш итү, куркынычсызлык кагыйдәләрен үтәмәү, электр җиһазларын һәм электр приборларын эксплуатацияләү нигезләрен үтәмәү нәтиҗәсе генә.

Статистика буенча гражданнарның гамьсезлеге аркасында 70% ка кадәр янгын була.

Янгын куркынычсызлыгы проблемасын хәл итү күбесенчә элементар янгын куркынычсызлыгы кагыйдәләрен белүгә һәм янгын чыккан очракта дөрес эш итә белүгә бәйле.

Шуңа күрә дәүләт күзәтчелеге эшчәнлегенең иң мөһим бурычларыннан берсе булып бөтен халыкны, бигрәк тә балаларны һәм яшьләрне янгын куркынычсызлыгына өйрәтүне оештыру тора. Мәктәптә янгын куркынычсызлыгы кагыйдәләре һәр укучыга билгеле булырга тиеш.

Уку елы башлану белән Лениногорск муниципаль районы буенча күзәтчелек эшчәнлеге һәм профилактика эше бүлеге, мәктәпләрдә янгын чыкмасын өчен, мәгариф учреждениеләре педагогларына һәм укучыларына янгын куркынычсызлыгының төп кагыйдәләрен искә төшерә.

Мәктәптә янгын чыкмасын өчен катгый тыела:

- мәктәп бинасында һәм аның территориясендә тәмәке тарту һәм ачык уттан файдалану;

- тиз кабынучан һәм башка янучан сыеклыкларны, шулай ук үз-үзен яндырырга сәләтле химик матдәләрне бүлмәләрдә сакларга;

- бүлмәләрдә һәм коридорларда төрү материаллары, савытлар һәм чүп-чар тупларга;

- электр җылыту приборларыннан классларда һәм бүлмәләрдә файдаланырга;

- биналардан чыгу юлларын, юлларны, кешеләрне эвакуацияләү юлларын, янгын сүндерү чараларына якын килү юлларын һәм запас чыгу юлларын капларга.

ЯНГЫН ВАКЫТЫНДА ЭШ ИТҮ ТӘРТИБЕ

Янгын турында кичекмәстән «01», «112» телефоннары аша хәбәр итәргә, мәктәпнең адресын, янгын урынын һәм үз фамилияңне әйтергә.

ТР ЛМР буенча профилактик эшнең күзәтчелек эшчәнлеге бүлеге