Бөгелмә шәһәрендә республика мәчетләре арасында Бөгелмә мөхтәсибәте кубогына мини-футбол буенча «Төнге лига» турниры узган.
Футбол ярышы "Гәүһәр" мәчете янындагы мәйданчыкта үткән. Лениногорск, Баулы, Бөгелмә, Урыссу һәм Карабаштан килгән 6 команда катнашкан. 6 команда 2 төркемгә бүленеп уйнады һәм дүрт команда плей-оффка чыккан.
Футбол ярышы нәтиҗәләре буенча беренче урынга Лениногорск шәһәре мөхтәсибәте командасы лаек булган. Икенче урында Бөгелмә шәһәре мөхтәсибәте, өченче урынга — Баулы районы мөхтәсибәте командасы чыккан.
Шәхси номинацияләрдә лениногорскилы Степан Таратынов "Иң яхшы капкачы" номинациясен алса, Бөгелмә шәһәреннән "Иң яхшы һөҗүмче" — Мансур Хөснетдинов, Баулы шәһәреннән Мөхәммәд Габзалилов "Иң яхшы яклаучы" номинациясенә ия булган.
Җиңүчеләр кыйммәтле призлар һәм истәлекле бүләкләр алган.
Фото: Лениногорскның «Ихлас» мәчете
Нет комментариев