Лениногорск муниципаль районында Бердәм сайлау көнендә 56 сайлау участогы эшләячәк

Лениногорск шәһәре территориаль сайлау комиссиясе рәисе Лилия Шаһиева әйтүенчә, Лениногорск районы территориясендә 54 сайлау участогы оештырылган, 24е –  шәһәрдә, 32е – районда.

Моннан тыш, ике вакытлыча сайлау участогы бар: шәһәрдә – үзәк район хастаханәсендә, районда – “Бәкер” шифаханәсендә.

Татарстан Рәисе сайлауларында дүрт кандидат теркәлгән: Рөстәм Миңнеханов («Бердәм Россия»);  Виталий Смирнов («Социаль гаделлек өчен Россия пенсионерлар партиясе»);  Руслан Йосыпов (ЛДПР); Хафиз Миргалимов (КПРФ).

Җирле советка депутатларга кандидатлар теркәлгән, барлыгы – 414 кандидат (Лениногорск шәһәрендә – 42, районда – 372) 

Тавыш бирү 14 сентябрьдә, иртәнге 7.00дән кичке 20.00 сәгатькә кадәр барачак. 

Әгәр дә 14 сентябрьдә даими яшәү урыныгызда булмыйсыз икән,  3 сентябрьдән 10 сентябрьгә кадәр  участок сайлау комиссиясенә мөрәҗәгать итәргә кирәк.  

Татарстан Үзәк сайлау комиссиясенең “кайнар линия” телефоны:  8 (843) 292-84-33 яки  8-800-200-00-20.

• Лениногорск районында барлык сайлаучыларның саны – 58 798
• Шәһәрдә – 44 493
• Авыл җирлекләрендә – 14 305