ҖӘМГЫЯТЬ
Лениногорск шәһәрендә янгын булган
Лениногорск шәһәренең Верхняя урамында урнашкан бер йортның сарае белән мунчасы янган.
25 май көнне, көндезге 12 сәгать 42 минутта 66 нчы янгын сүндерү частенең элемтә пунктына янгын турында хәбәр килә. Лениногорск шәһәре, Верхняя урамы, 28 нче йортта янгын чыккан.
66нчы янгын сүндерү часте хезмәткәрләре килгәндә ике корылма — мунча һәм сарай яна торган була. Аларны хуҗа хатын-кыз каршы ала һәм янгынның ни сәбәпле чыгуын белмәвен әйтә, чөнки анда газ баллоннары да булмаган.
Янгын нәтиҗәсендә сарай тулысынча янып беткән, мунча өлешчә. Үлүчеләр юк. Янгынның сәбәбе ачыклана.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев