Лениногорск хәрби комиссариат белгечләре журналистларга контракт буенча хезмәткә кабул итү турында сөйләде

"Беренче очрашуда паспорт һәм хәрби билет булырга тиеш. Хезмәт итәргә теләүче юл картасы һәм  медицина учреждениесенә юллама ала. Әгәр табиблар комиссиясе кандидатны хәрби хезмәт үтәргә яраклы дип тапса, хәрби комиссариат белгечләре ир-атны Казанга озата баралар, анда кандидат белән контракт төзелә. Шул вакыттан башлап контрактчы хәрби хезмәткәр буларак җаваплы һәм барлык хокукларга ия,"- дип сөйләде хәрби комиссариатның бүлек начальнигы Илмира Кәримова. 

Кандидатлар контракт төзү шартлары һәм шуңа бәйле рәвештә интернет-порталларда, хәрби комиссариат сайтында, телеграмма-каналда бирелә торган ташламалар белән таныша ала.

Агитацион плакатлар барлык уку йортларында, шәһәр һәм район оешма-предприятиеләренең белдерү такталарында куелган. Буклетлар һәм агитация брошюралары шәһәр халкына массакүләм чаралар, төрле акцияләр вакытында таратыла.

Агитация һәм аңлату эшенә торак-коммуналь хезмәтләр, хокук саклау органнары, прокуратура, суд-хезмәткәрләре, авыл җирлеге башлыклары һәм башкалар актив кушыла. 

"Контракт төзегәндә хәрби хезмәткәргә 195 мең сум күләмендә бер тапкыр бирелә торган пособие бирелә. Татарстан Республикасы ДОСААФыннан контрактчы тагын 105 мең сум ала. Әгәр контракт имзаланган вакытта ир-ат предприятиедә хезмәт килешүе буенча эшләгән булса, эш бирүче 300 мең сум акча бүлеп бирә. Махсус хәрби операция зонасында хәрби хезмәтне башкарганда, контрактчыга барлык хәрби хезмәтләре белән 204 мең сумнан артык хезмәт хакы түләнә,"-дип билгеләп үтте Лениногорск шәһәре һәм районы хәрби комиссары Рөстәм Мисбахов.

Контракт буенча хезмәт итәргә теләүчеләрне кабул итү Шашин урамы, 24 йорт адресы буенча 8.00 сәгатьтән 17.00 сәгатькә кадәр (төшке аш 12.00 сәгатьтән 13.00 сәгатькә кадәр) башкарыла.

Барлык кызыксындырган сораулар буенча 5-09-02, 5-08-94, 5-19-22 (тәүлек әйләнәсе) телефоннары буенча җаваплар ала ала.

Фото: Лениногорск-информ