Лениногорск хәрби комиссариатында капиталь ремонт ясалачак

Яңартылачак объектлар исемлегенә Лениногорск хәрби комиссариаты да керде.

Программага республиканың төрле шәһәрләрендәге 11 бина кертелгән, шул исәптән Азнакай, Лаеш, Тәтеш, Югары Ослан, Алексеевск, Әгерҗе, Апас, Кайбыч, Казан һәм Яр Чаллы. 

Проектны гамәлгә ашыруга Татарстан бюджетыннан 250,7 млн сум акча бүленгән. Барлык эшләр дә 2025 елның 1 декабренә тәмамланырга тиеш, заказчы – Главстрой.

Хәрби комиссариатлар ил һәм һәр төбәк тормышында мөһим роль уйный. Алар хәрби хезмәткәрләрне исәпкә алу, хәрби хезмәткә чакыруны оештыру, мобилизацион әзерлек һәм ветераннар белән хезмәттәшлек өчен җаваплы. Әмма военкоматларның күп кенә биналары дистә еллар элек төзелгән булган һәм бу вакыт эчендә искергәннәр.

Лениногорск хәрби комиссариаты  бинасында башка объектлардагы кебек үк, түбәндәге эшләр башкарылачак:  

1. Фасад һәм түбәләрне яңарту. 
2. Эчке бүлмәләрне ремонтлау. Иске коммуникацияләр алыштырылачак, стеналарны, идәннәрне һәм түшәмнәрне яңарту эшләре башкарылачак. 
3. Яңа инженерлык системаларын урнаштыру. Бу үз эченә җылылык, су, электр челтәрләрен һәм вентиляцияләрне модернизацияләүне ала. 
4. Уңайлы мохит булдыру. Бу пандуслар, лифтлар һәм башка кирәкле элементлар урнаштыруны үз эченә ала