Лениногорск янгынга каршы тору хезмәте бүлеге мич ягучыларны кисәтә

Бәла булмасын өчен, гади янгын куркынычсызлыгы кагыйдәләрен үтәү генә сорала.

Җылыту сезоны башланыр алдыннан мичләрне, котельныйларны, җылылык генераторларын һәм калорифер җайланмаларын, башка җылыту приборларын һәм системаларын тикшерергә кирәк. Төзек булмаган мичләр һәм башка җылыту приборларын файдалану  фаҗига  белән тәмамланырга  мөмкин.

Төтен юлларын һәм мичләрне,  җылыту сезоны  башланыр алдыннан гына түгел, даими рәвештә чистартып тору сорала.

Өй яки мунча мичен якканда:

- ягылган  мичләрне караучысыз калдыру, шулай ук аларны кече яшьтәге балаларга күзәтүне йөкләү,

- мичләрне яндыру өчен бензин, керосин, дизель ягулыгын һәм башка җиңел ялкынсынучы һәм ягулык сыекчаларын куллану,

- әгәр  мич  махсус  алар өчен җайландырылмаган икән, күмер, кокс һәм газ  куллану,

-вентиляция һәм газ каналларын  төтен чыга торган торба сыйфатында куллану тыела.

 Топкалардан чыгарыла торган көл, шлак су белән капланырга һәм алар өчен махсус билгеләнгән куркынычсыз урынга  бушатылырга , төтен торбалары, төтен каналлары үтә торган  стеналар, түбәләр штукатурланган һәм агартылган булырга тиеш.

Мич якканда әлеге кагыйдәләрне төгәл  үтәсәгез, йортыгыз җылы һәм куркынычсыз булыр, ә бу һәркемнең кулыннан килә торган эш.

Янгын чыкканда 101, 101 яки 112 телефоннары аша хәбәр итегез.