Лениногорскида бер хатын-кызны бәрдергәннәр

Аның нәтиҗәсендә зыян күргән хатын-кыз күп төрле  җәрәхәтләр белән Әлмәт травматология бүлегенә озатылган. 

Бу юл-транспорт һәлакәте очрагы  7 нче гыйнвар кичендә, 18 сәгать 05 минутта килеп чыккан.

Шашин проспекты буйлап килүче автомобиль Ленинград урамы ягына борылганда рөхсәт ителгән тизлекне арттырып хәрәкәт иткән.

Зур тизлектә килүче автомобиль,  җәяүле кичүе булмаган урында юл аркылы үтүче хатын –кызны күреп өлгермәгән. Бу вакытта инде караңгы төшкән булуы да үзенекен иткән. 12 еллык машина йөртү тәҗрибәсе булган шофер 30 яшьлек җәяүлене бәрдергән.

Һәлакәт урынына  ашыгыч төстә юл хәрәкәте иминлеге инспекторлары килгән. Бик күп төрле җәрәхәт һәм травмалар алган хатын-кызны ашыгыч рәвештә хастаханәгә озатканнар.

Юл-транспорт һәлакәтләрен тикшерү дәвам итә.

Исламия Галимова тәрҗемәсе

https://photo.tatar-inform.ru/