Лениногорскида “Демография» илкүләм проекты кысаларында авылда яшәүче олылар диспансеризация үтә
Лениногорск муниципаль районында «Демография» илкүләм проектының «Өлкән буын» федераль проектын гамәлгә ашыру дәвам итә.
9 гыйнвардан авыл җирлегендә яшәүче 65 яшьтән өлкәнрәк кешеләрне федераль бюджеттан алынган махсус автотранспортта диспансерлаштыру һәм скрининглар узу өчен медицина учреждениеләренә китерү яңадан башланды.
"Исток-Башлангыч" халыкка социаль хезмәт күрсәтү үзәге хәбәр иткәнчә, шушы елның беренче кварталында медицина учреждениеләренә авыл җирлегендә яшәүче 454 кеше китерелгән.
Профилактик медицина тикшерүләре һәм диспансерлаштыру үткәрү өчен икенче кварталда 390 өлкән яшьтәге гражданны китерү планлаштырыла.
фото: "Исток-Башлангыч"
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев