Лениногорскида «Гаилә» илкүләм проекты буенча авыл җирендә яшәүче өлкәннәрнең сәламәтлеге буенча эш бара

Лениногорск районында «Гаилә» илкүләм проектының «Өлкән буын» федераль проекты кысаларында авыл җирендә яшәүче 65 яшь һәм аннан өлкәнрәк гражданнарны медицина оешмасына медицина тикшеренүе узарга алып баралар.

Бу чара  «Исток-Башлангыч» халыкка социаль хезмәт күрсәтү комплекслы үзәге тарафыннан район хастаханәсе һәм медицина-санитария өлеше белән берлектә башкарыла.

Бу аз хәрәкәтләнүче гражданнарның тормышын җиңеләйтә, үз сәламәтлекләрен уңайлы күзәтеп торырга мөмкинлек бирә. Өлкәннәр диспансеризация, флюорография, маммография узарга, вакцина алырга мөмкин . Район хастаханәсенә китерелгән өлкән яшьтәге гражданнарны табиб-терапевтлар һәм тар белгечләр кабул итә.

Ведомствоара хезмәттәшлек нәтиҗәсендә узган елның декабрендә  65 яшьтән өлкәнрәк 1 022 граждан катнашкан. Авыруларны ачыклау һәм кисәтү буенча нәтиҗәле эш дәвам итә.

«Гаилә» илкүләм проекты 2025 елның 1 гыйнварында эшли башлады һәм 2030 ел ахырына кадәр исәпләнгән.

Проектның төп максаты – күпбалалы гаиләләр санын арттыру (2030 елга карата 15% ка үсеш планлаштырыла) һәм традицион кыйммәтләрне ныгыту.

«Гаилә» илкүләм проектын гамәлгә ашыруга 6 ел дәвамында 18 трлн сум тирәсе акча җибәрү планлаштырыла. Проект биш федераль проектны үз эченә ала:

    «Гаиләгә ярдәм» - Ана капиталы һәм бердәм пособие түләүне үз эченә ала.
    «Күпбалалы гаилә» - ипотека һәм салым ташламаларын каплауга 450 мең сум түләү программасын саклап калу.
    «Ана һәм балачакны саклау» - хатын-кызлар консультацияләрен, перинаталь үзәкләрне һәм балалар хастаханәләрен төзү һәм ремонтлау.
    «Өлкән буын» - өлкәннәрне һәм инвалидларны озак вакытлы карау системасын үстерү.
    «Гаилә кыйммәтләре һәм мәдәният инфраструктурасы» - мәдәни һәм агарту программалары.

фото: Исток-Башлангыч