Лениногорскида яшәүче Камәрия Насретдинованы 95 яшьлек юбилее белән котладылар

Тумышы белән Камәрия Насретдинова Чүпрәле районының Иске Чукалы авылыннан. Ул да башка хатын-кызлар кебек үк зур һәм авыр тормыш юлы узган. 95 яшендә булса да, шундый ук ачык күңелле, аек акыллы һәм тормыш сөючәнлеген саклап калган апа ул. Үзенең тормыш юлын әле дә хәтерли икән.

Аны район башкарма комитеты җитәкчесенең социаль мәсьәләләр буенча урынбасары Гөлнара Вагизова юбилее белән котлады.

Аңа нык сәламәтлек, күңел тынычлыгы теләде һәм Россия Федерациясе Президенты Владимир Путинның котлау открыткасын, Лениногорск районы башлыгы Рәгать Хөсәеновның чәчәк бәйләме белән истәлекле бүләген тапшырды.

Фото һәм мәгълүмат Лениногорск мэриясенең ВКонтакте челтәреннән