Лениногорскида мошенниклыкның яңа төре домофон ачкычлары белән бәйле
Шәһәр халкына домофоннарга хезмәт күрсәтү оешмасыннан шалтыратулар килә башлаган.
Янәсе домофон ачкычларын алыштырырга кирәк.
Мошенниклар яңа ачкычлар комплектын көн дәвамында бирәчәкләр дип вәгъдә итәләр һәм телефонга киләчәк смс кодны әйтергә сорыйлар. Шул рәвешле, җинаятьчеләр шәхси мәгълүматларга яки хисап язмаларына керү мөмкинлеген алырга тели.
Домофоннарны алыштырганда күпфатирлы йортларның милекчеләреннән мәгълүмат соралмый. Уяу булыгыз, бу мәгълүматны туганнарыгыз һәм якыннарыгыз белән дә уртаклашыгыз, дип хәбәр итә «Торак-коммуналь хуҗалык һәм төзелеш үзәге» җәмгыяте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев