Лениногорскилылар гриппка каршы прививка ала

Соңгы атнада ОРВИ белән 349 кеше теркәлгән, шуның 230дан артыгы – балалар.

Алда грипп сезоны көтелә, шунлыктан табиблар әлеге авырудан иң нәтиҗәле ысул – вакцинация ди. Табиб-эпидемиолог Фәния Миннебаева әйтүенчә, атна саен ОРВИ һәм грипп буенча мониторинг күзәтеп барыла. ОРВИ буенча әлегә күтәрелеш юк. “Безгә вакцина сентябрьдә кайтты. Лениногорскилылар прививка ясата башлады”, - ди ул.

Фәния Миннебаева хәбәр иткәнчә, август ахырыннан бүгенге көнгә кадәр 13 мең кеше прививка алган, шуның 3 мең 600е – 18 яшькә кадәргеләр.

“Антитәнчекләр прививка ясаганнан соң дүрт атнадан соң барлыкка килә, ә авыруның тиз үсеше, кагыйдә буларак, көз ахырында күзәтелә. Шуңа күрә хәзердән үк прививка ясатырга кирәк. Без алган вакцина А тибындагы һәм В тибындагы грипп штаммыннан саклый”,-дип эпидемиолог-табиб.

 
Грипптан вакцинация кайда ясыйлар?

1. Үзәк район хастаханәсе поликлиникасында көн саен, 204нче кабинетта, 8.00дән 16.00 сәгатькә кадәр. 212нче кабинетта 16.00 сәгатьтән 17.30га кадәр.
2. Гомумпрактика табиблары офисында – Мурзин урамы, 1А йортында. Эш көннәрендә 8.00-16.00.
3. Аз хәрәкәтләнүче гражданнарга өйгә килеп тә ясала. Моның өчен участок шәфкать туташына мөрәҗәгать итәргә кирәк.

Розалия Мостафина фотосы