Лениногорскиның бер ишегалдында программа буенча башкарылган эштән соң «үзенчәлекле» эскәмия барлыкка килгән

Лениногорск пабликларының берсендә хәбәр итүләренчә, шәһәрнең Кутузов урамы, 7нче йорт ишегалдында "Безнең ишегалды" программасы буенча эшләр эшләнелгән. Ишегалдында яңа асфальт, яңа эскәмияләр, барысы да матур кебек, тик яңа куелган эскәмияне генә әллә нишләткәннәр. Эскәмиянең арткы ягында һәм ике катлы такта беркетелгән.

Постны куйгач, халык төрле фикерләр язган: "Эскәмиягә утыра торган өлешенә аяклар белән таптамас өчен ясаганнар ахрысы", "Болай ясагач, аркага җил өрми инде", "Эскәмиянең яңа төре бу" - менә шундыйрак фикерләр. 

ВКонтактеда "Безнең ишегалды" төркеме бар. Ул шикаятьләрне дә күзәтеп бара. "Эскәмияләргә хезмәт күрсәтү буенча үзегезнең идарәче оешмага мөрәҗәгать итегез. Алар җиһазларга ремонттан хезмәт күрсәтү буенча җавап бирә", - дигән хәбәр калдырган  әлеге язмадан соң.

фото: https://vk.com/otkrovennols?w=wall-59770496_992447