Мәктәп ашханәсендә пешерергә ярамаган ризыкларны атадылар
Фарш белән флотча макарон, ысланган чи колбаса, йомырка тәбәсе, йомырка белән макарон, фаршланган коймак һәм форшмакны мәктәп менюына кертү тыела. Бу хакта «Российская газета» сылтама белән «Татар-информ» хәбәр итә.
Хәбәрдә шулай ук әлеге продуктларның мәктәптә инде утыз елдан артык тыелуына да басым ясалган. Шулай ук мәктәп менюсына ашказаны-эчәк трактының лайлалы тышчасы ялкынсынуына сәбәпче булган ризыклар һәм ашлар, тоз һәм шикәр күләме югары булган продуктлар (шул исәптән газлы эчемлекләр), составында терлек майлары булган азык-төлек кертелергә тиеш түгеллеге искәртелә.
Шул ук вакытта, менюда иртәнге ашка туры килә торган ризыкларга — боткалар, эремчекле һәм йомыркалы ашамлыклар, яшелчә һәм җиләк-җимеш, кайнар эчемлекләр, төшке ашка – яшелчәдән әзерләнгән кабымлыклар, кайнар (җылы) ашлар, ит һәм балык ризыклары, ит запеканкалары һәм яшелчә, ярмадан әзерләнгән гарнирларга өстенлек бирелә.
Тәкъдим ителгән барлык ризыкларның да термик эшкәртү узмавы искәртелә.
https://vatantat.ru/2022/09/91348/
Рамия Гарифуллина фотосы
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев