Мичурин авылы китапханәсендә Май чабу атнасына багышланган чара үтте

Май чабу атнасында, Мичурин авыл китапханәсе стеналары яңа пешкән камыр ризыклары исе белән тулды. Китапханә һәм мәдәният йорты хезмәткәрләре Мичурин авылының  «Ләйсән» халык ансамблендә катнашучылар өчен кунакчыллык күрсәтеп, «Масленица утырулары» исемле җылы очрашу оештырдылар.

Очрашу күңелле узды.  Хуш исле чәй эчкәндә кунаклар Масленица бәйрәменең борынгы йолаларын искә төшерделәр, халык җырларын җырладылар һәм, әлбәттә, тәмле  коймак белән сыйландылар.

 «Ләйсән» ансамблендә катнашучылар үзләренең иҗади планнары белән уртаклашты, гореф-гадәтләр турында әңгәмәдә теләп катнаштылар.

фотолар: китапханәдән

Исегезгә төшерәбез: 16 февральдән Май чабу (Масленица) атнасы башланды. Май чабу атнасының һәр көненең үз мәгънәсе бар:

Дүшәмбе – Май чабуны каршылау. Беренче коймак көне. Беренче коймакны ярлыларга, «киткәннәрнең» рухларын искә алу өчен тараталар.

Сишәмбе – кияү-кәләш карау. Яучылар бер-берсенә кунакка йөриләр.
Чәршәмбе – «теща» көне. Кияүләр каенаналарына коймак белән сыйланырга бара.
Пәнҗешәмбе – зурлап бәйрәм итүләр. Зур Масленица башлана, ул шау-шуы һәм шамакайлы әйлән-бәйләннәре белән аерылып тора
Җомга – каенаналар белән кич утыру. Кияү каенанасын кунакка чакырырга тиеш.
Шимбә – каен апа, каен сеңел кич утырулары. Килен янына кунакка иренең апа-сеңелләре һәм аның башка туганнары килә.
Якшәмбе – озату, гафу итү-кичерү якшәмбесе. Рәнҗетелгәннәрнең барысыннан да гафу үтенәләр.