Мичурин авылында балалар өчен татлы шашка уеннары оештырдылар
«Татлы гроссмейстер» шашка уены үткәрелү турында Мичурин китапханәсе хәбәр итә.
Чираттагы мәртәбә балалар өчен яраткан татлы шашка турниры узды. Биредә шашка тактасында шашка урынына – кәнфитләр куелган иде.
Бу чара барлык катнашучылар һәм җанатарлар өчен бәйрәм кебек. Балалар шашка такталары һәм татлы сыйлар белән бизәлгән уңайлы залга җыелдылар.
Турнир тантаналы ачылыштан башланды, анда алып баручылар уенчыларга уңышлар һәм гадел уеннар теләделәр.
Турнир берничә этапта узды.
«Катнашучыларның җиңүгә теләкләре зур иде, үзләренең осталыкларын һәм тактикаларын күрсәттеләр. Уеннарның иң югары ноктасы – финал партияләре аеруча истә калды. Турнирда җиңүчеләр лаеклы бүләкләр һәм татлы призлар алды, ә барлык катнашучыларда уңай эмоцияләр калды», – дип яза китапханәдән Сания Вахитова.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев