Татарстан мөфтие Камил хәзрәт Сәмигуллин республикада яшәүче барлык диндәшләрне Изге Болгар җыенына Болгарга чакырды. Тантаналы чара 19 майда узачак. 9:00 сәгатьтә башланачак.
«Биредә беренче тапкыр ирле-хатынлы парлар арасында хаҗга 3 гаилә юлламасы уйнатылачак. Һәр юллама – 2 кешегә. Катнашу өчен төп шарт – бирегә ирең/хатының белән бергә килергә һәм бушлай уйнату билеты алырга», - дип яза Сәмигуллин үзенең телеграм-каналында.
Чара һәм юллама уйнату турында тулырак мәгълүматны оешманың рәсми сайтында карарга була.
Нет комментариев