Рөстәм Миңнеханов Мордовиядә Сабан туенда катнашты
Татарстан Рәисе Рөстәм Миңнеханов Мордовия Республикасында татар халкының милли бәйрәме — Сабан туенда катнашты.
Бу хакта ТР Рәисе матбугат хезмәте җитәкчесе Лилия Галимова хәбәр итте.
Төбәктә 50дән артык татар авылы бар, өч иҗтимагый оешма эшли. «Якташлар» төбәк татар милли-мәдәни автономиясе 1991 елда оештырылган. Ул татар халкының үзенчәлеген саклау, мәдәниятне, традицияләрне үстерү һәм мәдәни-массакүләм чаралар үткәрү белән шөгыльләнә.
Сәфәре барышында Рөстәм Миңнеханов Мордовия башлыгы Артём Здунов белән бергә Татарстанның Нурлат муниципаль районы һәм Мордовия Республикасының Ләмбрә районы татар ишегалларын карады. Анда аларга милли йолалар күрсәтелде.
Татарстан Рәисе катнашучыларны сәламләде һәм бүгенге көндә Сабантуй бәйрәменең Россиянең 62 төбәгендә һәм 40 чит илдә билгеләп үтелүен искәртте.
«Бүген без Мордовия Республикасының татарлар күпләп яши торган Ләмбрә районында Сабан туен бәйрәм итәбез. Сабантуй хуҗалары – безнең яхшы дусларыбыз. Без сезнең ихласлыгыгызны һәм кунакчыллыгыгызны тулысынча тойдык», – дип ассызыклады Рөстәм Миңнеханов.
Артём Здунов исә Рөстәм Миңнехановка Сабантуйда шәхсән катнашуы өчен рәхмәт белдерде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең МАХ-каналга кушылыгыз: https://max.ru/join/FCC6jdLcKlakggSaD114n_EtmNar4gIlWnBZvw_t_SA
Нет комментариев