Татарстан Балалар сәнгать мәктәпләре саны буенча Идел буенда беренче урында тора

«Мәдәният» илкүләм проекты кысаларында өстәмә белем бирү учреждениеләре музыкаль уен кораллары (пианино, рояль, аккордеон, концерт баяны, укучы баяны, скрипка, гитара, балалайка, флейта һ.б.), җиһазлар һәм уку-укыту материаллары белән тәэмин ителә. Мәсәлән, 2020 елда – 11 Балалар сәнгать мәктәбе, 2022 елда 14 Балалар сәнгать мәктәбе җиһазландырылган. 2024 елга тагын 14 мәктәптә шундый ук эшләр планлаштырылган.

Балалар сәнгать мәктәпләренә музыка уен кораллары республика бюджеты исәбенә кайтарыла: 2019 елда 63 мәктәп өчен 63 пианино, 2020 елда 31 мәктәпкә 40 пианино, 2022 елда 30 гөслә, 34 гармун, 20 думбра, 97 балалайка һәм 90 курай сатып алынган.