Татарстан Дәүләт учреждениеләре ярты ел эчендә түләүле хезмәтләрдән 14 млрд сумга якын акча эшләгән

2026 елның 1 июленә республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән кергән акча 13 790,1 млн сум тәшкил иткән. Бу 2025 елның шул ук чоры белән чагыштырганда 1 679,4 млн сумга күбрәк. Бу хакта ТР Финанс министрлыгы хәбәр итә.

Шул ук вакытта дәүләт учреждениеләре 9 817,4 млн сум, муниципаль учреждениеләр 3 972,7 млн сум акча эшләгән.

Исегезгә төшерәбез, 2026 елның гыйнвар-июнь айларында Татарстанның берләштерелгән бюджетына 23,6 млрд сум акциз кергән. Керемнәрнең иң зур өлешен нефть продуктларына акцизлар тәэмин итте - 10,6 млрд сум.