Татарстан экология министры татарстанлыларны Полярниклар көне белән котлады

Бу хакта ведомствоның матбугат хезмәте хәбәр итә.

Ветераннарга һәм поляр тикшеренүләрнең гамәлдәге белгечләренә мөрәҗәгатендә Татарстан Республикасы Экология министрлыгы башлыгы бу бәйрәмнең чын геройлар көне дип саналуын ассызыклады.

Азат Җиһаншин Россия галимнәренең, геологларының, төзүчеләренең, очучыларының һәм диңгезчеләренең поляр өлкәләрне өйрәнүгә керткән өлешләрен ассызыклады. Аның сүзләренчә, дистәләгән экспедицияләр, заманча фәнни станцияләр, «Төньяк полюс» уникаль платформасы – болар барысы да белгечләрнең фидакарь хезмәте нәтиҗәсе.

"Татарстан Республикасы арктик бозлардан һәм бураннардан ерак урнашкан, ләкин монда да сезнең эшегезне тирән хөрмәт белән күзәтәләр. Полярниклар арасында якташларыбыз булу безгә аеруча күңелле. Алар кырыс шартларда намус белән вахтада торалар, ныклык һәм профессионализм синең кайда тууыңа бәйле түгеллеген исбатлыйлар», – диелә котлауда.

татар-информ