Татарстанда 70 яшьлек пенсионерга бакчасында мәк үстергән өчен җинаять эше ачканнар
Баулы районында бакчасында мәк үстерүче 70 яшьлек пенсионер хатын-кызга карата җинаять эше ачылган.
“Наркотиклар әйләнешенә контрольлек итү бүлеге хезмәткәрләре Баулы районы эчке эшләр бүлеге участок полициясе хезмәткәрләре белән берлектә оператив мәгълүматны тикшерү барышында шәхси йорт бакчасында наркотиклардан торган үсемлек – мәк үстерү ачыкланган”, – диелә Татарстан буенча Эчке эшләр министрлыгы хәбәрендә.
Полиция хезмәткәрләре бакчада барлыгы 110 мәкнең үсеп утыруын исәпләп чыгарган. Бакча хуҗасы аны үзенең шәхси максатында куллануы өчен үстерүен әйткән. Аңа карата “Наркотик матдәләрдән торчы үсемлекләрне законсыз үстерү” статьясы буенча җинаять эше кузгатылган.
Эчке эшләр министрлыгы искә төшерә: кыргый мәкне юкка чыгармаган өчен – административ җаваплылык, ә үсемлекне махсус үстергән өчен – җинаять җаваплылыгы каралган.
https://vatantat.ru/2022/07/88303/
https://photo.tatar-inform.ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев