Татарстанда һөнәрчеләр статусы закон нигезендә беркетелде

Закон проекты кабул ителде, аның нигезендә  штаты 5 хезмәткәрдән артмаган кече һәм урта бизнес вәкилләре, шулай ук үз җитештерү чараларын кулланып, кулдан эшләнгән әйберләрне сатуга һәм заказга җитештерүче үзмәшгуль гражданнар керәчәк.

Билгеләп үтелгәнчә, РФ Хөкүмәте карары нигезендә һөнәрчеләр продукциясе мәҗбүри маркировкадан азат ителергә мөмкин. Татарстан Хөкүмәте идентификация чаралары белән маркировкаларга кирәк булмаган һөнәрчелек товарлары исемлеген раслау хокукына ия.

"Карар кече һәм урта эшмәкәрлекнең һөнәрчелек секторына ярдәм итәргә һәм Татарстан халыкларының мәдәни тәңгәллеген саклап калырга мөмкинлек бирәчәк. Федераль дәрәҗәдә һөнәрчелек эшчәнлеген билгеләү норматив рәвештә беркетелмәгән, әмма РФ төбәкләре һөнәрчелек эшчәнлеге төрләре исемлеген эшләргә һәм расларга хокуклы", - дип билгеләп үтте ТР икътисад министры Мидхәт Шаһиәхмәтов.