Хәзерге вакытта республикада йөз яшьлек чикне узган 334 кеше яши.
Аларның 41 – ир-ат, 293 – хатын-кыз. Бу саннарны бүген Казанда брифингта Татарстанның хезмәт, мәшгульлек һәм социаль яклау министры Эльмира Зарипова хәбәр итте.
Иң өлкән хатын-кыз Ютазы районында яши, аңа 107 яшь. Иң өлкән ир-ат исә Питрәч районында – 106 яшь.
Йөз яшьлек чикне узган гражданнарның 310 ы – Бөек Ватан сугышы ветераннары. Алар арасында 37 ир-ат һәм 273 хатын-кыз. Ветераннар өчен төрле социаль ярдәм чаралары каралган.
Татар-информ
Нет комментариев