Татарстанда шушы елның 10 аенда 21 меңнән артык никах теркәлгән

Бу узган елның шул чорына караганда 1,6 процентка күбрәк. Шул ук вакытта аерылышучылар саны кими,  узган елның шул ук чоры белән чагыштырганда 20 процентка кимрәк.

Татарстан Республикасы Министрлар Кабинетының ЗАГС идарәсе башлыгы Эльвира Әхмәтова «көзгеле» (зеркальный) даталарда туйларның популярлашуын әйтте: «Без яшь парларның көзгеле даталарда никахларын законлы рәвештә теркәргә теләү тенденциясен күзәтәбез. Бу тенденция үзенең мөһим вакыйгасына өстәмә әһәмият һәм матурлык бирү теләген чагылдыра дип уйлыйбыз. Без булачак ир белән хатынның дата сайлауга якын килүләрен күрәбез».