Татарстанда хайваннарны һәм кошларны кышкы исәпкә ала башладылар
15 гыйнварда Татарстанда аучылык хуҗалыклары хезмәткәрләре, аучылар, җәмәгать инспекторлары хайваннарны кышкы исәпкә алуга кереште.
Бу хакта ТР Биоресурслар буенча дәүләт комитеты матбугат хезмәте хәбәр итә.
Барлыгы 1,5 меңгә якын маршрут билгеләнгән. Аларның нәтиҗәләре буенча имезүчеләрнең һәм кошларның 19 төре саны билгеләнәчәк. Исәпкә алу эшләре 15 мартка кадәр дәвам итәчәк.
Исәпкә алына торган төрләр исемлегендә поши, кыр кәҗәсе, кабан, болан, бүре, төлке, куян, тиен һәм башкалар бар.
Моннан тыш, миләш чыпчыгы, көртлек, урман тавыгы һәм соры көртлек кебек кошларның популяциясе күләме бәяләнәчәк.
Исәпкә алу нәтиҗәләре хайваннар һәм кошлар популяциясен саклау һәм торгызу буенча кирәкле чараларны билгеләргә мөмкинлек бирә, диләр ТР биоресурслар буенча Дәүләт комитетында.
Фото: «Татар-информ», Михаил Захаров
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев