Татарстаннан хәләл продукция экспорты 16,5 млн доллардан артып китте
Быелның дүрт аенда Татарстаннан 16,5 млн доллардан артык «Хәләл» продукциясе экспортланган.
Экспортның зур өлешен сөт, ит һәм кондитер продукциясе тәшкил итте, дип хәбәр итә Татарстан Республикасы Авыл хуҗалыгы һәм азык-төлек министрлыгы матбугат хезмәте.
- Бу елга «Хәләл « продукциясен экспортлау буенча планлы бурыч – 50 млн АКШ долларыннан артык. Республикада хәләл продукция җитештерүчеләрнең тотрыклы секторы формалашты. Җитештерү ит, сөт һәм кондитер продукциясен, ярымфабрикатларны, икмәк – күмәч эшләнмәләрен, шулай ук эшкәртү һәм эчемлекләрнең аерым сегментларын үз эченә ала», - дип билгеләделәр министрлыкта
Хәләл продукциянең төп импортерлары булып БДБ илләре, Монголия, Бразилия, Гыйрак, Мисыр, Согуд Гарәбстаны, Берләшкән Гарәп Әмирлекләре тора. Мондый продукцияне Көньяк-Көнчыгыш Азия һәм Төньяк Африка дәүләтләре дә алырга тели.
татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев