Татарстанның 66 мәктәбендә яңа уку елы башыннан «Үсеш ноктасы» үзәкләре ачылды
Яңа уку елы башыннан Татарстанның авыл җирлегендә һәм кече шәһәрләрдә урнашкан 66 мәктәптә табигый-фәнни һәм технологик юнәлештәге «Үсеш ноктасы» белем бирү үзәкләре эшли башлады.
«Үсеш ноктасы» үзәкләре мәктәп укучыларына һәм укытучыларга проектлар эшчәнлеген, сыйныфтан тыш чаралар, бәйгеләр оештыру, дәресләрдә заманча лаборатор һәм робототехника җиһазларын файдаланып, тәҗрибә һәм экспериментлар үткәрергә яңа мөмкинлекләр тәкъдим итә.
«Татарстанда балаларга, кайда яшәүләренә карамастан, заманча таләпләргә туры килерлек шартларда сыйфатлы белем алу мөмкинлеген тудыруга зур игътибар бирелә. Бу – «Мәгариф» илкүләм проектының төп күрсәткечләреннән берсе», – дип билгеләп үтте ТР икътисад министры урынбасары Гүзәл Насыйбуллина.
Өстәмә белем бирү үзәкләре турында мәгълүматлар https://р16.навигатор.дети сервисында тупланган. Биредә балаларны түгәрәкләргә яздырып була.
Россиядә илкүләм проектлар РФ Президенты Владимир Путин инициативасы һәм йөкләмәсе буенча гамәлгә ашырыла.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев